Futbol, linguaxe internacional

Xa sabemos, e non é novidade que o Fútbol é un deporte internacional, que move paixóns e cartos en todo o mundo. Tamén sabemos todos que as competicións futbolísticas son dos eventos máis seguidos en televisión; pero a súa influencia vai máis aló, estase a converter, ou tense xa convertido nunha linguaxe universal.

Neste mes de agosto tocoume "xogar" algún partido có meu fillo pequeno (6 anos) e os seus amigos nun campeiro diante do parque da praia da Madalena. Comezábamos o partido tres ou catro pequenos e algún pai pero pouco a pouco ían engadíndose xogadores a cada equipo. Por alí pasaron ademais de madrileños vascos ou cataláns algún inglés, danes, brasileiros e ata dous nenos saharauís.

Por suposto todos sabían xogar ó Fútbol, recoñecían os córners e os penaltis e sabían mais do regulamento do que souben eu nunca, pero o máis curioso é o "procedemento de incorporación ó xogo". Todos, sen distinción de nacionalidade ou idioma seguían o mesmo procedemento: primeiro un achegamento á banda esperando unha invitación para xogar, logo unha pregunta ¿de quen é a pelota? e por fin ¿poido xogar?.

Ás veces as preguntas eran en castelán, ás veces en galego, en brasileiro ou en inglés e incluso ás veces por señas, pero sempre en linguaxe Fútbol...